മികവ് 2009 അധ്യാപക ദേശീയ ശില്പശാലയില് ഈ സ്കൂളിലെ കുട്ടികള് ചരട് പിന്നിക്കളിയും കോലാട്ടവും അവതരിപ്പിച്ചു. തിരുവനന്തപുരത്തെ സര്വോദയ സ്കൂളില് വച്ചു നടന്ന പരിപാടിയില് ശില്പശാലയ്ക്കെത്തിയ ഇന്ത്യയിലെ വിവിധ സംസ്ഥാനത്തുള്ള അധ്യാപകര് പരിപാടി ആസ്വദിക്കുകയും കുട്ടികളെയും അധ്യാപകരെയും അഭിനന്ദിക്കുകയും ചെയ്തു. നടപ്പ് അധ്യയന വര്ഷത്തില് എസ്. എസ്. എ. യുടെ നിര്ദേശപ്രകാരം ഈ വിദ്യാലയത്തിലെ തനതു പ്രവര്ത്തനമായി തെരഞ്ഞെടുത്ത നാടന് കലകളുടെ പുനരുദ്ധാരണം ദേശീയ തലത്തിലേക്ക് അംഗീകരിക്കപ്പെട്ടതിന്റെ ഭാഗമായാണ് ഇത്. ഈ സ്കൂളിലെ മുഴുവന് വിദ്യാര്ത്ഥികളെയും അധ്യാപകരെയും പങ്കെടുപ്പിച്ചുകൊണ്ടുള്ള കോലാട്ടവും അന്യം നിന്നു പോകാറായ ചരട് പിന്നിക്കളിയുമാണ് ഇതിനുവേണ്ടി പരിശീലിപ്പിച്ചത്.
